رامي نصوحي يعتذر لجماهير الزمالك بعد الخسارة أمام الأهلي في السوبر الإفريقي لليد

موقع اخبار كورة - اعتذر رامي نصوحي، عضو مجلس إدارة الزمالك، للجماهير بعد الخسارة أمام الأهلي في نصف نهائي كأس السوبر الإفريقي لكرة اليد.

واضاف نصوحي، أن ألعاب الصالات بالزمالك تحتاج إلى عمل كبير وبناء وصبر حتى تتعدل النتائج، لافتًا إلى أن مجلس الإدارة الحالي كان يعلم حجم الصعوبات التي وضع فيها.

وكتب نصوحي عبر موقع التواصل الاجتماعي "فيس بوك": "أنا عارف إن الناس زعلانة، وعندها كل الحق، مفيش حد بيحب يشوف فريقه بيخسر. لكن إحنا استلمنا ألعاب الصالات زيها زي باقي حاجات كتير في النادي، محتاجة شغل وبناء وصبر".

وأكمل: "وإحنا كنا عارفين ده كويس قبل الانتخابات، وعارفين إننا هنواجه كل اللي إحنا شايفينه دلوقتي، ومستحملين، وبنلتمس العذر للناس".

وواصل: "يمكن ما نلحقش نحصد ثمار اللي بنعمله، لكن الأهم إننا نحط الزمالك على الطريق الصح، علشان اللي ييجي بعدنا ما يشوفش اللي إحنا شفناه، ولا يعيش اللي إحنا عشناه".

واختتم: "بشكر كل الناس اللي حضرت الماتش النهاردة، وحقكم عليا، ما تزعلوش".