موقع اخبار كورة - نشر الدولي المصري محمد عبد المنعم، مدافع فريق نيس الفرنسي صورة له من أول مران يخوضه مع فريقه بعد إصابته بقطع في الرباط الصليبي، مؤكدًا سعادته الكبيرة بالعودة إلى المشاركة مرة أخرى، شاكرًا الجميع على مساندته.

وقال منعم في بيان عبر صفحته الرسمية على موقع التواصل الإجتماعي "انستجرام": "الحمد لله دائماً وأبدا انهارده اول يوم تمرين ليا بعد فتره هي الاصعب في حياتي دخلتني في اكتئاب وتوتر من المستقبل خلتني اشوف مستقبلي بشكل مختلف عن اللي كنت بحلم بيه".

وتابع: "بس التفكير هنا طول الوقت مش هسيب حلمي واني اقدر اعدي اي مرحله صعبه حسيت بكمية الحب والتعاطف والدعم معايا لما حصلت الاصابه وده اتاثرت بي نفسيا بس في نفس الوقت خلاني احس بالمسؤلية اتجاهم كنت بشتغل وهدفي قدام عيني وان هرجع تاني واكون عند حسن ظنهم".

وأكمل: "ومن هنا وحسيت ان كل حاجه انا وصلتلها مكنش شطاره مني ده كانت ترتيبات ربنا ليا قربت منه اكتر حسيت بالرضا وحسيت ان ربنا بيقولي متقلقش انا جنبك ومش هسيبك ف ارتحت وهنا التفكير اتغير لما حسيت بالرضا النجاح مهم جداً بس الاهم منه هو علاقتك مع ربنا ومن اهم النعم الناس اللي بتحبك بصدق واللي وجودهم في حياتك بيخليك انسان احسن".

وأردف: "اتعلمت ان اكون حامد من غير شروط اسعي واشتغل واتعب بس في نفس الوقت احافظ علي كنوزي الحقيقية اهلي وأصحابي والقلوب اللي بتقف جنبك في كل لحظة لأن دول اللي بيفضلوا يوم ما تتعب او تمرض او حته ترحل واللي بيفضل فعلا هو الذكري والدعوة الحلوة واللحظة اللي بتبقي اثر في قلب كل واحد لأن الاستثمار الحقيقي هو الاستثمار في الذكريات بيخلي اللحظات تعيش فوق عمر الانسان".

وذكر: "شكرا من قلبي لكل واحد افتكرني وبعت كلمه او دعا لي وجودكم حواليا بيكبر المعني ويطول عمر اللحظات الحلوة شكرا علي دعمكم".

واختتم: "ممتن لكل من وقف بجانبي وساندني - الحمد لله، عدت إلى الملعب مرة أخرى، أرجو أن تذكروني في دعائكم،وأتمنى بداية جديدة رائعة".