شوبير لـ وكيل إمام عاشور: "ممكن تسكت شوية!"

موقع اخبار كورة - علق الإعلامي أحمد شوبير، على تصريحات آدم وطني، وكيل الدولي إمام عاشور، لاعب وسط الفريق الكروي الأول بالنادي الأهلي، التي أدلى بها مؤخرًا.

وقال أحمد شوبير، في تصريحات عبر برنامجه الإذاعي بمحطة "أون سبورت إف. إم": "امبارح طلع آدم وطني، اللي هو وكيل إمام عاشور دلوقتي، آدم ده كان الوسيط في موضوع وسام أبو علي، وابتدى يتكلم ويعمل حكاية وحدوتة، فبقى عندنا أزمة من غير لازمة".

وأكمل: "إمام عاشور باقي له سنتين ونص في عقده، والمفروض دلوقتي الكل يتمنى له الشفاء، الوكيل لازم يبقى مركز، لأن اللعيب بتاعه تعبان ومحجوز في المستشفى من يوم ماتش الأهلي وإنبي، يعني مش وقته أبدًا نتكلم عن عقود أو انتقالات".

وأضاف: "اختيار التوقيت مهم جدًا، ومش طبيعي الكلام في المواضيع دي واللاعب لسه على سرير المستشفى، الحمد لله الأمور مستقرة، وحالة إمام بتتحسن كل يوم، بس لسه قدامه وقت، الأهلي كمان قال إنه قفل الملف ده لحد ما اللاعب يرجع بالسلامة".

وتابع: "إمام محتاج على الأقل شهر قبل ما نشوفه في الملعب تاني، وده بيخليني قلقان على لحاقه ببطولة الأمم الإفريقية. اللاعب كمان مرهق وضعيف ومش في حالته الطبيعية".

وأتم أحمد شوبير، تصريحاته قائلًا: "فـ وكيل أعمال إمام عاشور، الأفضل تسكت شوية لحد ما الولد يتعافى تمامًا ويرجع يلعب، وبعد كده اتكلم زي ما تحب. المهم إنك تختار التوقيت الصح قبل ما تفتح أي موضوع".