موقع اخبار كورة - كشف اللاعب الدولي أكرم توفيق كواليس مفاوضاته مع النادي الأهلي بشأن تجديد عقده، مؤكدًا أنه أبلغ إدارة النادي بوجود عرض رسمي لديه، وطلب رقمًا معينًا للتجديد، إلا أن طلبه قوبل بالرفض.

وقال توفيق في تصريحات تليفزيونية: "قلت للأهلي إن عندي عرض، وطلبت رقم معين للتجديد، لكن طلبي اترفض. كنت مستعد أتنازل وأرضى بربع أو نص العرض اللي جالي، بس ما اتفقناش".

وأضاف: "صليت استخارة كتير، وفي الآخر الموضوع ده هو اللي اتفتح قدامي، فكان نصيب. قعدت مع كابتن محمد رمضان، وقال لي إننا عايزينك تفضل، لكن الرقم اللي عُرض عليّ كان بعيد جدًا. قلت له على الأقل نصه أو ربعه وأنا أوقع، لكن للأسف ما وصلناش لاتفاق".

وعن شعوره بالرحيل عن الأهلي، قال توفيق: "أكتر حاجة أثرت فيا هي الجمهور، لما كانوا بيهتفوا باسمي. كمان العمال في النادي، في ناس كانت بتعيط قدامي لما عرفوا إني ماشي. اللحظات دي مش سهلة أبدًا".

وأشار إلى أنه رغم حزنه على الرحيل، إلا أن خروجه جاء بكل احترام وحب، قائلاً: "الأهلي علمني حاجات كتير، وما ينفعش أطلع أتكلم عن تفاصيل. اللي حصل ببساطة إننا ما اتفقناش. والنادي الأهلي كبير بأكرم ومن غير أكرم".